Sual: Bir-birimizlə salamlaşdığımız vaxt “salam əleyküm”ün əvəzinə təkcə “salam” deyə bilərik? Bu ikisinin arasında bir fərq var?
Cavab: Bir fərq yoxdur. Təkcə “salam” demək bizim vərdiş etdiyimiz salamlaşma tərzinə çox uyğun görünməsə də, bunda Quran baxımından heç bir problem yoxdur.
Belə ki, Quranda deyilir:
“Elçilərimiz (mələklər) İbrahimə (İshaqın doğulacağı barədə) müjdə gətirdilər və: “salam!”– dedilər. O da: “Salam!”– dedi və dərhal (gedib) qızardılmış bir buzov gətirdi.” (Hud, 11/69)
“Salam” dedikdə də, “salam əleyküm” deyildikdə də nəzərdə tutulan tərəf müqabildir. Burada nəzərdə tutulan məna: “Sizə salam olsun!” niyyətindən ibarətdir. Hamı bunu bu cür başa düşür. Ona görə də təkcə “salam” deməyin bir eybi yoxdur.
Suala cavab verdi: Professor Abdulaziz Bayındır ((İstanbul Universitetinin İlahiyyat fakültəsində İslam hüququ kafedrasının müdiri.))
Bu məsələ ilə əlaqədar olaraq aşağıdakı qısa yazılara da nəzər yetirin:
http://www.muselmanlar.com/fitvalar/salamlasmaq
Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.
