Sual: Möminlər Cəhənnəmə düşəcəklər? Misal üçün, bir nəfəri vurub öldürən, sonra da tövbə eləməmiş ölən möminin vəziyyəti necə olacaq? Hər şeydən əvvəl belə bir şey mümkündür? Allah demirmi ki, insanları günahlarına görə dərhal cəzalandırmır? Onlara tövbə etməkləri üçün möhlət verir? Allah ölən insanın geri qayıtmaq istəyini qəbul etmir və: “Sənin kifayət qədər vaxtın var idi, Mən sənə xəbərdarlıq etdim. Artıq geri qayıda bilməzsən”, - demir? Əgər əsl məsələ sizin hesab etdiyiniz kimi olsaydı, həmin şəxs: “Ey Rəbbim! Mənə tövbə etmək üçün möhlət vermədin!”, - deyə bilməzdimi?
Cavab: Bizim üzərində işlədiyimiz mövzu möminlərlə əlaqədardır. Sizin qeyd etdiyiniz Quran ayələri isə kafirlərlə əlaqədardır.
Həmin ayələrdə belə deyilir:
وَالَّذِينَ كَفَرُوا لَهُمْ نَارُ جَهَنَّمَ لَا يُقْضَى عَلَيْهِمْ فَيَمُوتُوا وَلَا يُخَفَّفُ عَنْهُم مِّنْ عَذَابِهَا كَذَلِكَ نَجْزِي كُلَّ كَفُورٍ . وَهُمْ يَصْطَرِخُونَ فِيهَا رَبَّنَا أَخْرِجْنَا نَعْمَلْ صَالِحًا غَيْرَ الَّذِي كُنَّا نَعْمَلُ أَوَلَمْ نُعَمِّرْكُم مَّا يَتَذَكَّرُ فِيهِ مَن تَذَكَّرَ وَجَاءكُمُ النَّذِيرُ فَذُوقُوا فَمَا لِلظَّالِمِينَ مِن نَّصِيرٍ
“Kafirləri isə Cəhənnəm odu gözləyir. Orada nə öldürülməzlər ki, ölüb canları qurtarsın, nə də bu odun əzabı (onlar üçün) yüngülləşdirilər. Biz hər bir kafiri belə cəzalandırırıq.
Onlar orada fəryad qoparıb yalvaracaqlar: “Ey Rəbbimiz! Bizi (buradan) çıxart ki, (əvvəllər) etdiyimiz əməlləri deyil, yaxşı əməllər edək”. (Onlara deyiləcək:) “Məgər orada sizə düşünəcək kimsənin düşünə biləcəyi qədər uzun ömür vermədikmi? Sizə qorxudub xəbərdar edən də gəlmişdi. Elə isə dadın (əzabı!) Zalımlara kömək edən olmaz”. (Fatir, 35/36-37)
Günahkar möminlərlə əlaqədar sual və cavabı ilə buradan tanış ola bilərsiniz:
http://www.muselmanlar.com/fitvalar/542.html
Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.
