Sual: Quranın bir çox ayəsindəki sağçılar (əshabul-yəmin) və solçular (əshabuş-şimal) ifadələri ilə kimlər nəzərdə tutulur? Bunun siyasətlə bir əlaqəsi var?
Cavab: Qurandakı Əshabu-l-yəmin ifadəsi ilə axirətdə əməl dəftərləri sağ tərəflərindən verilən və haqq-hesabları asanlıqla çəkilənlər nəzərdə tutulur. Yəmin sözündə eyni zamanda yümn (asanlıq) sözünün mənası var.
Əshabu-ş-şimal ifadəsi isə əməl dəftərləri sol tərəflərindən verilən və sorğu-sualları çətin keçənləri bildirir.
Beləliklə, əshabu-l-yəmin cənnətlik olanlar, əshabu-ş-şimal isə cəhənnəmliklər deməkdir.
Bunlar axirətlə əlaqədar məfhumlardır. Bəzi insanlar bunları siyasi tendensiya kimi sağ və sol anlayışları ilə qarışdırırlar. Əslində isə belə deyildir; bu məfhumların siyasətlə əlaqəsi yoxdur.
Saytımızın materiallarından istifadə edərkən mənbə göstərilməlidir. Müsəlmanlar © 2004 Bütün hüquqları qorunur.
