Sual: Namaz qılmayan bir insanın Ramazan ayında oruc tutmağının hökmü nədir? İslam dini buna necə baxır? Ümumiyyətlə, namaz qılmayıb, Ramazan orucu tutmaq dində nə cür qiymətləndirilir?
Cavab: Namaz qılmaq da, oruc tutmaq da Allahın əmridir. Bir müsəlman bunların hər ikisinə görə məsuldur. Əgər inkar etmir və lağa qoymursa, bunların birini yerinə yetirməməyi digərini tərk etməyini vacib qılmır. Allah insanın tərk etdiyi ibadətinin cəzasını, yerinə gətirdiyi ibadətinin isə mükafatını verir. Namaz qılmayan böyük bir günah edir. Lakin bu, onun Ramazan ayında oruc tutmağına maneə təşkil etmir. Orucunu tutmalıdır, ona vacibdir.
Dünyada olduqları vaxt əməlləri puç olanlar kafirlərdir, müsəlmanlar deyil. Bu məsələ ilə əlaqədar ayələr aşağıdakı kimidir:
“De ki, sizə işləri baxımından Axirətdə ən böyük ziyana məruz qalanların kimlər olduğunu bildirimmi?
Onlar o kəslərdir ki, dünya həyatında gördükləri işlərin əvəzi puç olacaq. Halbuki, onlar elə hesab edirlər ki, gözəl işlər görürlər.
Onlar Rəblərinin ayələrini və Ona qovuşmağı inkar etmiş, buna görə də gördükləri yaxşı işlər puç olmuşdur. Çəkilməli bir şeyləri qalmadığına görə Qiyamət günü onlar üçün çəki aləti qoymayacağıq.
Kafirlikləri, ayələrim və peyğəmbərlərimə lağ etməklərinə görə bu Cəhənnəm onların cəzası olaraq hazırlanıb”. (Kəhf, 18/103-106)
Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.
