Sual: Söhbət vaxtı və ya öz-özümüzə fikirləşdiyimiz vaxt: “Ya rəsulallah”, - demək olar?
Cavab: “Ya rəsulallah” ifadəsi Ərəb dilindən tərcümədə “Ey Allahın elçisi” deməkdir. Belə deyən insanlar Muhəmməd peyğəmbəri (s. a. v.) nəzərdə tuturlar. Bu, bu sözü deyən insanın niyyətindən asılı olaraq dəyişilən bir haldır.
İnsanlar rəhmətə getmiş ata və anaları haqqında da bəzən “Ay ata, ay ana” kimi ifadələr işlədirlər. Sanki onlara gileylənir və ya təşəkkür edirlər. Yəni, öz zehnlərində bir şeyi planlayıb o cür danışırlar. Ya da belə düşünürlər.
“Ya rəsulallah” ifadəsi bundan fərqlidir. Əgər belə deyən şəxs Muhəmməd peyğəmbərin hal-hazırda sağ olduğunu və ona kömək edəcəyini düşünürsə, necə deyərlər, qabdakı suyun daşıb tökülməyinə səbəb olur. Başqa cür desək, bu, düzgün deyil. Çünki əqidə məsələsində ifrata varmaq deməkdir. Odur ki, buna yol vermək olmaz.
Belə hallara dini mahnılarda çox rast gəlmək olur. Misal üçün, həmin mahnılarda belə deyilir: “Ya rəsulallah, gəl şəfaət elə bu naqis bəndənə”. Soruşmaq lazımdır: Sən kimin bəndəsisən? Allahın, yoxsa peyğəmbərin?
Nəticə etibarilə, belə demək düzgün deyil.
Suala cavab verdi: Professor Abdulaziz Bayındır ((İstanbul Universitetinin İlahiyyat fakültəsində İslam hüququ kafedrasının müdiri.))
Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.
